Af gefnu tilefni birtist hér útreikningur framkvæmdastjóra Félags eldri borgara í Reykjavík vegna umræðu um það hvort borgi sig fyrir eldri borgara að geyma peninga á bankabókum með tilliti til skerðinga á réttindum hjá Tryggingastofnun ríkisins (TR). Útreikningur þessi birtist í Morgunblaðinu hinn 20. október 2010 en þá voru uppi háværar raddir, sem hvöttu eldri borgara til að geyma peningana sína í bankahólfi eða ,,undir koddanum" eins og stundum er sagt, vegna skerðinga hjá TR af völdum fjármagnstekna. Til að sjá útreikninginn smellið á tengilinn hér að neðan:

Áhrif fjármagnstekna á greiðslur TR

Því hefur stundum verið haldið fram á fundum innan félagsins að félagið þyrfti að hafa sig meira í frammi í kjarabaráttunni og vera sýnilegra. Nú gefst kjörið tækifæri til að bæta úr þessu. Forráðamenn kröfugöngunnar 1. maí hafa samþykkt að félagsmenn innan Landssambands eldri borgara fái að taka þátt í göngunni að þessu sinni undir sínu merki. Er það líka í tilefni af Evrópuári aldraðra sem hefur aukna virkni að kjörorði. Gerð hafa verið þrjú kröfuspjöld, sem við munum skipa okkur undir. Á einu þeirra stendur ALDRAÐIR ERU AUÐLIND, á öðru BARÁTTA TIL BETRI KJARA og á hinu þriðja VIÐ VILJUM EIGA VAL . Gönguhópur félagsins, Göngu - Hrólfar, ætlar að hafa forustu af hálfu félagsins og leggja til fólk til að halda á spjöldunum. Nú er það okkar félagsmanna að vinna málstaðnum gagn með því að taka þátt í göngunni og fylgja þannig eftir kröfum okkar. Hér með er skorað á alla þá félagsmenn sem tök hafa á að taka þátt í göngunni, að ganga alla leið eða í hluta hennar.

Gangan fer af stað frá Hlemmi kl. 13.00 þriðjudaginn 1. maí nk. og ætla eldri borgarar að koma saman fyrir framan Arion-banka við Hlemm og ganga þaðan fylktu liði niður á Ingólfstorg.
 

Nú er skráning í ferðir sumarsins hafin. Hægt er að kynna sér ferðir sumarsins á heimasíðunni með því að smella á textann hér að neðan:

 Dagsferðir  feb.is/index.ph

Lengri ferðir  feb.is/index.php

Greiða þarf staðfestingagjald kr. 15.000.- inn á lengri ferðirnar viku eftir pöntun og fullgreiða mánuði fyrir ferð.

Greiða þarf dagsferðirnar 10 dögum fyrir ferð. Gott er að panta sem fyrst.

Hægt er að leggja inn á reikning félagsins sem er:

kt: 490486 3999. Reikningsnúmer: 0336-26-185

Munið að hafa nafn á ferð sem skýringu.

Flugfélag Íslands verður með  fjögurra daga ferðir dagana 7.-10. júlí og 14.-17. júlí nk. til Suður-Grænlands, sérstaklega hugsaðar fyrir eldra fólk. Sjá nánar hér.