Skrifstofa félagsins verður lokuð frá 19. júlí n.k. opnum aftur 9. ágúst. Þeir sem eru að fara í ferðir á vegum félagsins og eiga eftir að greiða geta greitt inn á eftirfarandi reikning.

kt. 490486-3999 banki 0336-26-185

Óskum ykkur öllum gleðilegs sumars

Dagsferð 14. júlí n.k. Norðan við Skjaldbreið og Hlöðufell. Farþegar athugið að farið verður frá Sæmundargötu (fyrir framan HÍ) kl. 8.00 og Stangarhyl 4 kl. 8.30

Jónsmessugleði verður 24. júní n.k. í samstarfi við Árbæjarsafnið, mjög fjölbreytt dagskrá, söngur, dans og tónlist. Við hvetjum alla sem tök hafa á að mæta í þjóðbúningum.

Tímarit Landssambands eldri borgara ,,Listin að lifa" er komið út. Sú breyting var einhliða ákveðin í þetta sinn af stjórn landssambandsins að senda blaðið ekki út til félagsmanna hinna 53 aðildarfélaga landssambandsins um allt land, þ.m.t. í Reykjavík. Þess í stað eiga félögin sjálf að sjá um dreifingu blaðsins til sinna félagsmanna. Langflest félög eldri borgara á landinu eru með undir 150 félagsmenn og eru  tiltölulega hæg heimatökin hjá þeim að dreifa blaðinu sjálf í hús í sínu sveitarfélagi. Öðru máli gegnir um fjölmennt félag eins og í Reykjavík, þar sem félagsmenn eru um 8.000 talsins en kostnaðurinn við útsendinguna myndi hlaupa á hundruðum þúsunda króna. Því hefur verið ákveðið að senda blaðið ekki í pósti að svo komnu máli heldur sameina útsendingu þess og 2. tbl. okkar eigin Félagstíðinda, sem áætlað er að komi út í september nk.

Hins vegar mun blaðið liggja frammi hér á skrifstofu félagsins að Stangarhyl 4 í sumar, fyrir þá félagsmenn sem geta nálgast það og sömuleiðis má lesa það inn á vefsíðu landssambandsins: www.leb.is.