Ferðlög á næstunni  – Skráning á feb@feb.is eða síma 5882111 

PÉTURSBORG og HELSINKI 14. – 19. maí 2019  – uppselt
– með fyrirvara um breytingar
Hér má sjá myndir frá Pétursborg

GOLFERÐ til Torrevieja 13. – 20. október 2019
Leikið á 4 völlum alls. Aðeins 30 sæti laus.
Fararstjóri er Sigurður K. Kolbeinsson, sem margir þekkja úr Aðventuferðum félagsins og þáttunum Lífð er lag.

FEB stendur fyrir glæsilegri golfferð fyrir félaga í FEB dagana 13.-20. október n.k. Flogið verður á hentugum tímum með brottför frá Keflavík sunnudaginn 13. október kl. 8.30 og lent á Alicante flugvelli kl. 15.00. Brottför til baka viku síðar kl. 15.50 og lent í Keflavík kl. 18.30.

Pakkinn inniheldur eftirfarandi þjónustu:

• 7 nátta gistingu á hinu glæsilega hóteli Campoamor. Glæsilegt morgunverðarhlaðborð er innifalið.
• Kvöldverðir 7 kvöld, þ.a. 4 á Campoamor og 3 á öðrum stöðum í nágrenni hótelsins
• 1 golfhring á Campoamor
• 1 golfhring á Villa Martin
• 1 golfhring á Las Ramblas
• 1 golfhring á Las Colina
• 9 h golfhringur á Campoamor er ávallt innifalinn eftir kl. 14.00 alla daga fyrir þá sem vilja leika 27 h (greiða þarf fyrir golfbíl)
• Golfbíll m.v. 2 leikmenn ávallt innifalinn í 18h hringjum
• Akstur frá hóteli að veitingastöðum aðra leiðina
• Allur flugvallarakstur báðar leiðir
• 5 kg handfarangur
• 1 ferðataska
• 1 golfsett
• Íslensk fararstjórn

Verð: 249.500 á mann m.v. gistingu í tvíbýli
Aukagjald fyrir eins manns herbergi: 24.900

Allar nánari upplýsingar og skráning eru á skrifstofu FEB og í
síma 588 2111.
Greiða þarf 50.000 kr. staðfestingargjald fyrir 12. júlí og eftirstöðvar
fyrir 10. ágúst.

Fyrirspurnir skulu sendar á netfangið hotel@hotelbokanir.is

FÆREYJAR 16. – 22. október 2019
Farið verður með Steinþóri Ólafssyni sem skipulagði Norðurlandaferðina fjölbreyttu, í rútu frá Reykjavík og siglt með Norrænu. Gisting á Hótel Hafnia í fjórar nætur. Allar skoðunarferðir í Færeyjum, auk hringferðar um Ísland innifaldar. Glæsilegir kvöldverðir og morgunmatur alla dagana.  Fararstjórar: Gísli Jafetsson og Steinþór Ólafsson bílstjóri

Dagskrá frá síðasta ári:
Dagur 1
Lagt af stað frá FEB við Stangarhyl kl. 07.00. Ekið norður leiðina og fyrsta stopp í Staðarskála. Næsta stopp verður í Varmahlíð og komið til Akureyrar um kl. 12.00 og stoppað í hádegismat. Næst er stoppað í að Skútustöðum og þar næst á Skjöldólfsstöðum  í Jökuldal. Þaðan er svo ekið til Seyðisfjarðar. Norröna siglir svo kl. 20.00 til Þórshafnar.
Dagur 2
Við komum til Þórshafnar um kl. 15.00 og þaðan er farið beint á Hótel Hafnía og kvöldverður á hótelinu um kl. 19.00. Frjáls tími til að skoða Þórshöfn.
Dagur 3
Kl. 10.00 er lagt af stað til Eiði og þaðan Gjugv framhjá Slattartind sem er hæsta fjall Færeyja.  Þar er möguleiki á hádegisverði. Þaðan er svo ekið til Klaksvik og Kirkju. Við komum svo aftur á hótelið ca kl. 17.00 og kvöldverður um kl. 19.00.
Dagur 4
Kl. 10.00 er farið norður til Gasadal. sem er fámennasta byggðin í Færeyjum aðeins 150 manns sem búa þar í dag.
Dagur 5
Núna er farin bæjarferð um Þórshöfn. Bæði akandi og gangandi.
Dagur 6
Mæting um borð í Norrönu kl. 12.00 en skipið leggur af stað til Íslands kl. 14.00. Kvöldverður um borð í Norrönu kl. 19.00.
Dagur 7
Komið til Seyðisfjarðar kl. 10.00 og þaðan er svo ekið til Reykjavíkur. Stoppað í hádeginu á Djúpavogi og fáum okkur næringu. Næst er stoppað í Freysnesi (Skaftafelli) og seinasta stoppið í Vík. Komið til Reykjavíkur ca. kl. 21.00.

Við áskiljum okkur rétt til að breyta dagskránni ef þurfa þykir og til bóta fyrir farþega

Aðventuferðir til Kaupmannahafnar nóv. – des. 2019 – skráning á feb@feb.is / síma 5882111
Ferðirnar verða fjórar, í lok nóvember og byrjun desember. Ferðast með Icelandair í samstarfi við Hótelbokanir.is Íslensk fararstjórn frá upphafi til enda og sama vinsæla dagskráin en sú breyting verður á ferðunum í haust að nú verður gist á hinu glæsilega Hotel Skt. Petri.

  1. ferð er 17.-20. nóvember
  2. ferð er 24.-27. nóvember
  3. ferð er 01.-04. desember
  4. ferð er 08.-11. desember
    Dagskrá:
    Sunnudagur: Lent í Köben á hádegi og fararstjóri tekur á móti. Snætt á Restaurant Karla að kvöld
    Mánudagur: Gengið um gamla bæinn með Ástu Stefánsd.
    Þriðjudagur: Heimsókn í Jónshús f.h., Julefrokost í Tivoli um kvöldi
    Miðvikudagur: Sigling um síkin í hádegi og brottför um kvöldið
    Verð; Verð á mann í tvíbýli: 128.700 / Aukakostnaður í einbýli: 23.900

F E R Ð I R   I N N A N L A N D S    2 0 1 9 – skráning á feb@feb.is / síma 5882111

Borgarfjörður – Dalir – Snæfellsnes  1. – 2. júní 2019
Lagt af stað úr Stangarhyl klukkan 9 um morguninn og ekið sem leið liggur upp í Borgarnes, þar sem höfð verður stutt viðdvöl og við skoðum okkur aðeins um á staðnum. Þaðan verður haldið upp í Norðurárdal  og komið við í Bifröst og kíkt á fossinn Glanna í Norðurá. Þar í hrauninu tökum við upp nestið okkar áður en við höldum um Bröttubrekku og vestur í Dali. Komum við í Búðardal og ökum um Skógarströnd áleiðis til Stykkishólms. Þar verður gist á Hótel Stykkishólmi  og borðaður kvöldmatur. Skoðum okkur um í Stykkishólmi við komuna þangað eða eftir morgunverð daginn eftir. Daginn eftir liggur leiðin  út á Snæfellsnes þar sem komið verður við á nokkrum stöðum. Hádegishressing á Hellnum eða Arnarstapa. Á leiðinni til Reykjavíkur höfum við viðdvöl á sunnanverðu Snæfellsnesi  eftir veðri og vindum. Áætlaður komutími til Reykjavíkur um klukkan 18.
Innifalið í verði er akstur í rútunni, gisting, kvöldmatur og morgunmatur í Stykkishólmi og hádegishressing á sunnudeginum. Fararstjóri og leiðsögumaður Kári Jónasson.

Vestfirðir – Söguferð í tengslum við lestur Íslendingasagna 11. – 14. júní – uppselt biðlisti –
Farið um sögusvið Vestfjarða. Gisting á Reykjanesi, Ísafirði og Patreksfirði.

Vestmannaeyjar – tvær ferðir –
Dagsferð með rútu og nýja Herjólfi. Skoðunarferð um eyjuna og fleira. 2. júlí og 30. ágúst. Viðbótaraukaferð 30. ágúst.

Ferð um Sprengisand í Fjörðu, Flateyjardal og Siglufjörð 10. – 13. ágúst
Fimmta árið í röð sem við höldum á þessar slóðir. Alltaf jafn vinsæl ferð og selst fljótt upp. 

Fjallabaksleið nyrðri 8. ágúst – önnur ferð 15. ágúst
Ferðin tekur heilan dag og fer eftir ástandi vega og vegaslóða enda erum við þar sem náttúran er hvað hreinust og fegurðin hvergi fegurri. Fararstjóri Kári Jónasson.  

Töfrar Suðurlands  að Breiðamerkurlóni
Tveggja daga ferð í 4.- 5. september. Gisting á Smyrlabjörgum.