Ágæti félagsmaður
Þriðjudaginn 9. maí n.k. hefur Landssamband eldri borgara (LEB) boðað til landsfundar. Fundurinn verður haldinn í Borgarnesi, í Hjálmakletti sem hýsir Menntaskóla Borgarfjarðar og hefst kl. 9:30 með afhendingu fundargagna. Gert er ráð fyrir að fundarstörfum ljúki í síðasta lagi kl. 17.00. Félag eldri borgara í Reykjavík og nágrenni (FEB) hefur rétt á að senda 48 fulltrúa á landsfundinn og að auki þurfa að vera til taks varamenn.
Áhugasamir félagsmenn FEB eru hvattir til þátttöku. Vinsamlegast vertu í sambandi við skrifstofu FEB fyrir 22. apríl, með því að hringja í síma 588 2111, senda tölvupóst á feb@feb.is eða mæta á skrifstofuna, ef þú hefur áhuga. Eingöngu fulltrúar félaganna með gilt kjörbréf útgefnum af stjórnum sinna félaga, hafa rétt á setu á landsfundi LEB.
Við hlökkum til að heyra frá þér.
