Fræðslufundir

Stefnt er að nokkrum áhugaverðum fræðslufundum veturinn 2024/2025

Lífeyrismál, starfslok og TR

FEB hefur fengið Björn Berg Gunnarsson til að vera með kynningu fyrir félagsmenn á lífeyrismálum þann 25. nóv. nk. kl. 13:00 í sal félagsins í Stangarhyl 4

Við viljum öll hafa það gott fjárhagslega. Til að svo megi vera á lífeyrisaldri reynir á að teknar séu réttar ákvarðanir þegar lífeyrir er sóttur, mikilvægt er að þekkja helstu kerfi og fylgjast með þeim breytingum sem gerðar eru. Lífeyristöku þarf að sníða að stöðu og smekk hvers og eins og þar sem um mikil verðmæti er að ræða borgar sig að vanda vel til verka.
Björn Berg Gunnarsson er sjálfstæður fyrirlesari og fjármálaráðgjafi. Hann mun ræða helstu kima lífeyriskerfisins með skýrum og einföldum hætti. Meðal þess sem rætt verður um er taka lífeyris frá lífeyrissjóðum, séreignarsparnaður, skipting lífeyris og almannatryggingar.

Námskeiðið hentar jafnt þeim sem undirbúa sín starfslok sem og þeim sem þegar hafa hætt

Fyrirlesari: Björn Berg Gunnarsson
Uppbygging kynningarinnar og tími: Eitt skipti í 2 klst. mánudaginn 25. nóv. kl. 13:00-15:00
Verð: 2.500 kr. (Ef þátttakandi er utanfélagsmaður er verðið 3.500 kr.)
Staður: Salur FEB í Stangarhyl 4

Skráning og greiðsla fer fram í gegnum bókunarkerfið klik.is Einnig er hægt að kaupa miða HÉR