Nú tökum við upp þráðinn að nýju eftir gott sumarfrí.
Tíu vikna Íslendingasögunámskeið hefst föstudaginn 17. september þar sem kennarinn er, eins og áður, hinn eini sanni Baldur Hafstað.
Nú á haustönn verður tekin fyrir stutt saga sem ber heitið Bandamanna saga, en síðan verður farið yfir valda kafla úr Sturlungu. Bandamanna saga er bráðskemmtileg frásögn af ólíkum feðgum í Miðfirði sem um miðja 11. öld komust í krappan dans. Úr Miðfirðinum lægi síðan leiðin í „Skagafjörð Sturlungaaldarinnar“, með því að rýna í afmarkaða kafla úr Sturlungu sem tengjast helstu viðburðum í Skagafirði á 13. öld. Fyrirhugað er að fylgja þessari yfirferð eftir og fara á söguslóðir í Skagafirði næsta vor, með viðkomu í Miðfirði.
Hægt er að velja á milli þess að sitja námskeiðið á föstudögum milli kl. 10 til 12 eða 12:30 til 14:30 og kostar námskeiðið kr. 20.000.
Skráning fer fram á skrifstofu FEB, í gegnum síma 588 2111 eða með því að senda póst á netfangið feb@feb.is.
Allir hjartanlega velkomnir!
