Um Félag eldri borgara í Reykjavík og nágrenni

Skrifstofa félagsins er í Stangarhyl 4, 110 Reykjavík.
Þjónustutími er frá klukkan 10 – 16 virka daga.
Sími: 588 2111
feb@feb.is
www.feb.is 

Framkvæmdastjóri
Gísli Jafetsson
gisli@feb.is

Félagsmenn geta þeir orðið sem náð hafa 60 ára aldri sem og makar þeirra þó yngri séu. Félagsgjaldið fyrir tímabilið 2017/2018 er 4.200 kr. Til að gerast félagi er smellt hér eða sendur tölvupóstur á feb@feb.is. Skrá þarf nafn, kennitölu, heimilisfang, símanúmer og netfang, ef það er fyrir hendi. Þegar félagsgjaldið hefur verið greitt fær viðkomandi sent félagsskírteini, Afsláttarbók og aðrar upplýsingar um starfsemi félagsins.

  • Framkvæmdastjóri: Gísli Jafetsson
    • Netfang:  gisli@feb.is
  • Bókhald og uppgjör: Kristín Lilja Sigurðardóttir
    • Netfang: kristin@feb.is
  • Félagsskráning og umsjón með sal: Jóhanna Ragnarsdóttir
    • Netfang: johanna@feb.is

Félag eldri borgara í Reykjavík og nágrenni er langstærsta félagið innan Landssambands eldri borgara með rúmlega 11.000 félagsmenn. Félagið var stofnað 15. mars 1986. Hlutverk þess er að gæta hagsmuna eldri borgara í hvívetna. Rétt til að verða félagsmenn eiga þeir sem hafa náð 60 ára aldri og einnig makar þeirra þótt þeir séu yngri.

Aðalfundur hefur æðsta vald í málefnum félagsins, og skal hann haldinn í febrúar eða mars ár hvert. Stjórn félagsins skal skipuð sjö mönnum og þremur til vara, sem kosnir eru beinni kosningu á aðalfundi.  Kjörtímabil stjórnar er tvö ár. Formaður skal kosinn sérstaklega annað hvert ár, en á hverjum aðalfundi skal kjósa þrjá menn til tveggja ára í stjórn. Þrír varamenn skulu kosnir til eins árs. Enginn sitji lengur en fjögur ár samfellt sem aðalmaður í stjórn félagsins. Stjórnin kýs úr hópi aðalmanna varaformann, ritara og gjaldkera.

Sá sem kosinn er formaður getur þó setið fjögur ár í því embætti þrátt fyrir að hann hafi verið í stjórn áður. Núverandi formaður er Ellert B. Schram, fyrrverandi Alþingismaður og ritstjóri.

Blómleg starfsemi er rekin innan félagsins á mörgum sviðum. Hin síðari ár hefur verið lögð mikil áhersla á að gæta réttar eldri borgara og vinna að hagsmunum þeirra gagnvart stjórnvöldum. Margar nefndir og deildir eru starfsræktar sem sinna ýmist hagsmunamálum aldraðra eða félagsstarfi á vegum félagins.

Stjórn FEB 2017-2018

  • Formaður: Ellert B. Schram
  • Varaformaður: Erna Indriðadóttir
  • Gjaldkeri: Hrafn Magnússon
  • Ritari: Guðrún Árnadóttir
  • Aðrir stjórnarmenn: Sigríður Snæbjörnsdóttir, Guðmundur Gunnarsson og Helgi Pétursson sem nú hafa báðir látið af störfum
  • Varamenn: Reynir Vilhjálmsson, Anna Þrúður Þorkelsdóttir og Sjöfn Ingólfsdóttir
  • Formenn félagsins frá upphafi:
  • Snorri Jónsson 1986-1988
  • Bergsteinn Sigurðarson 1988-1992
  • Kristján Benediktsson 1992-1995
  • Páll Gíslason 1995-1998
  • Ólafur Ólafsson 1998-2005
  • Margrét Margeirsdóttir 2005-2009
  • Unnar Stefánsson 2009-2013
  • Þórunn Sveinbjörnsdóttir 2013-2017
  • Ellert B Schram frá 2017

Vertu með okkur á Facebook og fáðu nýjustu fréttir af starfi Félags eldri borgara í Reykjavík og nágrenni.