Ókeypis jógatímar fyrir félagsmenn FEB

Eldri borgurum stendur til boða ókeypis tímar í djúpslökun hjá Ástu Bárðardóttur jógakennara í húsnæði Styrks sjúkraþjálfunar að Höfðabakka 9 næstu tvær vikurnar, frá 6. sept. til 16. sept. Tímar eru á mánudögum, þriðjudögum, miðvikudögum og fimmtudögum kl. 11:00 - 11:30 og 14:00-14:30.

Það þarf ekki að skrá sig heldur nægir að koma og gefa sig fram í móttöku.

Til að gefa smá mynd af hvað djúpslökun er þá er þetta nærandi slökun, ekki bara fyrir líkama heldur líka huga og anda. Í slökun hægist á öndun, hugurinn kyrrist og vöðvar slaka sem leiðir til minni spennu og meiri vellíðan. Hugur og líkami komast í jafnvægi og þú færð hvíld sem jafnast á við nokkra tíma svefn. Það má eiginlega segja að þú fáir hámarksslökun á lágmarkstíma sem eflir styrk, einbeitingu og orku. Það dregur úr áhyggjum, streitu, kvíða og sársauka og eftir stendur aukin vellíðan og heilbrigði.

Í slökuninni liggur fólk á dýnu á hvíldarstellingu (eða situr á stól ef það getur ekki legið á gólfi) með teppi vafið um þig, umhverfið er notalegt og róandi hljómlist í bakgrunni.

Höfðabakki 9 sjá leiðarlýsingu á vefslóð:
www.styrkurehf.is/greinalisti.php

Verið velkomin!