Þegar ömmurnar voru ungar tíðkaðist síðdegisdans á Borginni eða „restaurastjón." Þá flykktust þær allar á Borgina í heimasaumuðum kjólum eftir sniðum frá Vogue, á pinnaháum hælum og að sjálfsögðu með hatta. Borgin var fyrir stelpur úr sveitinni - líkust Þúsund og einni nótt! Brynhildur Olgeirsdóttir lýsti  þessuá þennan skemmtilega hátt þegar hún byrjaði með síðdegisdansinn á sínum tíma.

Nú dunar dansinn í Ásgarði annan hvern miðvikudag. Þar dansa ömmur og afar í anda gömlu síðdegisdansanna. Þangað kemur fólk. Fær sér kaffi. Spjallar saman. Hlustar á músik eða dansar. Alltaf eru einhver skemmtiatriði undir borðum, lesið, sungið eða dansað.

Síðdegisdans Félags eldri borgara í Stangarhyl 4 – haustönn
annan hvern miðvikudag kl. 14.00 – 16.15
Sú nýbreytni verður, að kenndir verða léttir dansar fyrsta hálftímann, en síðan hefst almennur dans og í hléi er kaffi og meðlæti. Aðgangur kr. 500.-
Stjórnendur verða Matthildur Guðmundsdóttir og Jón Freyr Þórarinsson sem sjá um tónlist af geisladiskum en einnig má búast við heimsókn hljóðfæraleikara og von er á gestakennurum til að annast danskennslu.

 

Munið annan hvern miðvikudag í Ásgarði Stangarhyl 4, kl. 14 -16 undir stjórn Matthildar Guðmundsdóttur og Jóns Freys Þórarinsson

Á haustönn 2010 verður dansað á eftirtöldum miðvikudögum:  Fyrsti tíminn hefst : Miðvikudaginn 29. sept. kl. 14.00 – 16.15 Næstu tímar verða: Miðvikudag 13. okt. kl. 14.00 – 16.15 Miðvikudag 27. okt. kl. 14.00 – 16.15 Miðvikudag 10. nóv. kl. 14.00 – 16.15 Miðvikudag 24. nóv. kl. 14.00 – 16.15 Miðvikudag 08. des. Kl. 14.00 – 16.15

Björn og Fjóla í léttri sveiflu