Skákdeild FEB var stofnuð 23. september 1998. Birgir Sigurðsson er núverandi formaður, en Sigurður Pálsson er stofnandi og fyrsti formaður deildarinnar.

Á stofnfundinum sagði Helgi Ólafsson stórmeistari félagsmenn vera af einni bestu kynslóð í skákinni sem oft væri saknað á skákmótum. „Þetta eru menn með mikla þekkingu." Sigurður sagði skákina íþrótt hugans og sagði nauðsynlegt að hafa fagmenn til hjálpar í svo flókinni íþrótt.

Skákdeildin er í Skáksambandi Íslands. Mót eru haldin haust og vor, einnig árleg meistaramót. Verðlaun eru veitt og veglegir farandbikarar ganga á milli.

Telft er í Ásgarði á þriðjudögum kl. 13-17 yfir vetrarmánuðina.