Skrifstofa félagsins er í Stangarhyl 4, 110 Reykjavík.

Afgreiðslutími er kl. 10 – 16 alla virka daga. Sími: 588-2111, fax: 588-2114.

Framkvæmdastjóri: Sigurður Einarsson – Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. (í staðinn fyrir (hjá) setjið inn @ merkið, ef senda á tölvupóst til viðkomandi starfsmanns).
Gjaldkeri: Kristín Lilja Sigurðardóttir – Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
Ritari, umsjón með félagaskráningu: Dagmar Bragadóttir – Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Umsjónarmaður Ásgarðs: Jóhanna Ragnarsdóttir – Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Félag eldri borgara í Reykjavík og nágrenni er langstærsta félagið innan Landssambands eldri borgara með yfir 8 þúsund félagsmenn. Félagið var stofnað 15. mars 1986. Hlutverk þess er að gæta hagsmuna eldri borgara í hvívetna. Rétt til að verða félagsmenn eiga þeir sem hafa náð 60 ára aldri og einnig makar þeirra þótt þeir séu yngri.

Aðalfundur hefur æðsta vald í málefnum félagsins, og skal hann haldinn í febrúar eða mars ár hvert. Stjórn félagsins er skipuð 12 aðalmönnum og 4 varamönnum. Stjórnin kýs úr hópi aðalmanna varaformann, ritara, gjaldkera og meðstjórnanda sem mynda framkvæmdastjórn félagsins ásamt formanni.

Formaður er kosinn sérstaklega til tveggja ára í senn. Helmingur stjórnar er kosinn ár hvert, þ.e. 6 aðalmenn og 2 varamenn sem sitja í stjórn í tvö ár. Næsta ár er hinn helmingurinn kosinn á sama hátt. Enginn stjórnarmaður má sitja lengur en fjögur ár samfellt í stjórn félagsins. Núverandi formaður er Unnar Stefánsson fyrrum deildarstjóri hjá Sambandi íslenskra sveitarfélaga.

Blómleg starfsemi er rekin innan félagsins á mörgum sviðum. Hin síðari ár hefur verið lögð mikil áhersla á að gæta réttar eldri borgara og vinna að hagsmunum þeirra gagnvart stjórnvöldum. Fjölmargar nefndir og deildir eru starfsræktar sem sinna ýmist hagsmunamálum aldraðra eða félagsstarfi á vegum félagins.

Formenn félagsins frá upphafi:

• Snorri Jónsson 1986-1988
• Bergsteinn Sigurðarson 1988-1992
• Kristján Benediktsson 1992-1995
• Páll Gíslason 1995-1998
• Ólafur Ólafsson 1998-2005
• Margrét Margeirsdóttir 2005-2009
• Unnar Stefánsson frá 2009