Pétur H. Ólafsson, einn af stofnendum Félags eldri borgara í Reykjavík, er látinn 89 ára að aldri. Um margra ára skeið var Pétur einn af helstu forsvarsmönnum félagsins bæði í stjórn og framkvæmdastjórn auk þess sem hann sinnti öðrum félagsstörfum innan FEB af miklu kappi. Pétur stóð fyrstur manna fyrir dansleikjum FEB, fyrst í Akoges salnum í Sigtúni og síðar í Glæsibæ þegar félagið flutti starfsemi sína þangað og loks í Stangarhyl, þar sem það er nú til húsa. Stóð Pétur ætíð vaktina á dansleikjunum. allt þar til á þessu ári.

Aðventuhátíð Félags eldri borgara í Reykjavík og nágrenni fellur niður af óviðráðanlegum orsökum!

Aðventuhátíð FEB sem halda átti föstudaginn 11. desember nk. fellur niður vegna forfalla meðal þeirra sem fram áttu að koma á hátíðinni. Félaginu þykir þetta afar miður og ekki er vitað til að slíkt hafi komið fyrir áður. En óviðráðanlegar ástæður liggja að baki þessari ákvörðun félagsins og beðist er velvirðingar á því að svona skyldi hafa farið.

Félagsfundur með fulltrúum Reykjavíkurborgar

Föstudaginn 4. desember var haldinn opinn félagsfundur að Stangarhyl 4 með Jórunni Frímannsdóttur borgarfulltrúa og formanni Velferðasviðs Reykjavíkurborgar og Berglindi Magnúsdóttur forstöðumanni heimaþjónustu Reykjavíkur. Sjá nánar hér að neðan:

Föstudaginn 13. nóvember n.k. kl. 13.00  kynnti Oddný Sv. Björgvinsdóttir  nýútkomna ljóðabók sína sem ber nafnið ,,Og lífsfjótið streymir". Oddný er félagsmönnum okkar vel kunn því hún var ritstjóri á blaðinu ,,Listin að lifa" í mörg ár.